हिक अजब संजोगु॒ - अनन्तु चोड॒सि

झूलेलालु देवु अंतरधानु डीं॒हुं एं गनेशु देवु’ प्रवाहु डीं॒हुं  सागि॒यो - अनंत चतुर्दशी 

श्री झूलेलालु देवु सिन्धी हिन्दुनि जा उपास्य देवु आहिनि जिन्खे अक़ीदगीअ सां मञिदे इष्टु देवु‘ चयो वेंदो आहे। उपासना कंदड़ वरुणावतारु झूलेलालु खे श्रद्धा सां पूजी॒दा आहिनि एं झोलियूं फहिलाइ मंगलकामिनाऊं घुरिंदा आहिनि त समूरे विश्वु में सुखु शान्ति एं  अमनु चैनअ काइमु रहे एं चौधारी खुशहाली हरियाली बरिपा रहे।
विक्रमी संबत् 1007 बरोबर ईस्वी सन्950  चेटु महीने चण्ड्र डीं॒ह ‘देवु लालु’ सिंधु प्रांतु जे नसरपुर ज़िले में अवतारु वरितो हो। श्री झूलेलालु अवतरण दिवसु ‘चेटीचण्ड्र’ महोउत्सवु जे रूपअ में हरहिक साल धामधूमअ सां मल्हायो वेंदो आहे। 
    
धरतीअ ते देवु श्री झुलेलालु लगि॒ भगि॒ 13 सालअ 6 महिना कएं लीलाऊं डे॒खारिंदे विक्रम संबत् 1020 ईस्वी बरोबर ईस्वी सन् 963 में बडे महीने जी सोझरी चोड॒सि ते अंतरधानु थी विया।

सुर्गु॒वासी साहित्कारु नवलराय बचाणी जनि पहिंजे किताबु ‘पूज वरुण अवतार, झूलेलाल साहिब’ में एं बि॒यनि ठककरनि, संतनि एं लेखकनि बि तिथियुनि बाबत जा॒ण डि॒नी आहे।
     
अनन्तु चोड॒सि खां 15 डीं॒हनि खां पोइ जेको चण्ड्र अचे थो उन्ह्खे ‘असू चण्ड्र मेले’ जे रूपअ में मल्हाईंदा आहिनि परअ हकीकत में श्री झूलेलालु देवु जो अंतरधानु डीं॒हुं अनन्तु चोड॒सि आहे। नई टहीअ एं ईंदड़ पीढ़ीयुनि खे इहे सूख्यम तथ्य जा॒णइणु लाज़िम बि आहिनि एं वाजिब बि।        
इहो हिक अजब संजोगु आहे त अनंत चतुर्दशी
‘श्री झूलेलालु’ देवु जो अंतरधानु डीं॒हुं बि आहे एं ‘गनेशु देवु’ जो प्रवाहु डीं॒हुं बि।

लेखिका - रोमा चांदवानी ‘आशा’