ग़ज़ल : छिरिक भराए छेरि सॼण जी
sujagusindhi 
*ग़ज़ल*
__ नारी लच्छवाणी
छिरिक भराए छेरि सॼण जी
घाए घुमन्दड़ घेरि सॼण जी
वरि वरि वेठी चुमें ॻिलनि खे
न , चंचल चॻ हिअं हेरि सॼण जी
जोभनु जेकर जरकी पै अॼु
चुनरी हेकर केरि सॼण जी
केसीं हिक हंधि बीठी हूंदी
दिलड़ी मूं ॾे सेरि सॼण जी
हल्का हल्का घाव करे थी
मिलण अचण ते देरि सॼण जी
गुल ऐं गुल्शन खां वधि ख़ुश ॾिसु
लॻल अङण में ॿेरि सॼण जी
पाकु रहण जी हेर पियल थसि
का - का आदत फेरि सॼण जी
के शइर लिखां , जे मिली वञे
पेशु , ज़बर या ज़ेरि सॼण जी
