दिल ज़रे घटि लॻी वई आहे ख्वाब ते अखि हिरी वई आहे
sujagusindhi दिल ज़रे घटि लॻी वई आहे
ख्वाब ते अखि हिरी वई आहे
ॻिलनि ते हथु लॻी वयुसि शायद
अखि शरम सां झुकी वई आहे
ॿूथ अॼु सुबुह खां लथो प्यो थसि
ॼणु ॿिली का मरी वई आहे
हर को थो शहर में रहणु चाहे
गांव में सुञ अची वई आहे
मूं चयो कुझु बि कीन आ तोखे
छाते कावड़ि लॻी वई आहे
जा इमारत अॾी हुई सिक सां
सा बि खंडहरु बणी वई आहे
पहिरीं नख़रा घणा कयाईं पे
हाणि लेकिन हिरी वई आहे
नेठि वञणों त पवंदो हुन वटि
हूअ अचण जो चई वई आहे
मिलणु मुश्किल लॻी रह्यो बेशक
आसरो पर ॾई वई आहे
"राज" छति ते अची जॾहिं पहुतुसु
हिक दरी पिणि खुली वई आहे
राजकुमार मसंद "राज"
