21 फ़बरवरी-आलमी मादरी ज़बान डींहुं

21 फ़बरवरी-आलमी मादरी ज़बान डींहुं

आलेखः गोबिन्द राम ‘‘माया‘‘

 शुरूआतिकीअं थी ?

 तारीख़ 17 नवम्बरु, 1999 ते यूनेस्को हिक प्रस्तावु पासि कयो त हर सालु तारीख़ 21 फ़बरवरी जो आलमी मादरी ज़बान डींहुं यानी अंतर्राष्ट्रीय मातृभाषा दिवस, मल्हायो व´े। जीअं त दुनिया जे सभिनी भाषाउनि ऐं संस्कृतियुनि जी विविधिता खे बचाए सघिजे ऐं उन्हनि जो वाधारो थी सघे ऐं समाज में षिक्षा जे खेतर में बहुभाषावाद खे प्रोत्साहनु मिले। यूनेस्को जे प्रस्ताव मूजिबु पहिरियों आलमी मादरी ज़बान डींहुं 21 फ़बरवरी, 2000 ते मल्हायो वियो। हिन वक़्ित दुनिया जा अटिकल 200 मुल्क़ु इहो डींहुं मल्हाए रहिया आहिनि।

तारीख़ 21 फ़बरवरी ई छो ?

 तारीख़ 21 फ़बरवरी, 1952 ते बांग्लादेष (अगूणो नालो पूर्वी बंगाल) जी ढाका युनिवर्सिटीअ जे शागिर्दनि ऐं सामाजिक कार्यकर्ताउनि पंहिंजी बांग्ला भाषा जो वजूद बणाए रखण लाइ हिकु आंदोलनु शुरू कयो हो। आंदोलन खे दबाइण जे कोषिष में अनेक मातृभाषा प्रेमी जुवान शहीद थिया हुआ। कनाडा में रहण वारे बांग्लादेषी रफीकुल इस्लाम इहो डींहुं अंतर्राष्ट्रीय मातृभाषा डींहं जे रूप में मल्हाइण जो वीचार रखियो हो, जंहिंते यूनेस्को वीचारु कयो ऐं मंज़ूरु कयो।

 21 फ़बरवरी, 2022 लाइ प्रस्ताव.

 यूनेस्को पारां सालु 2022 जेआलमी मादरी ज़बान डींहं लाइ जेकी विषय रखी वई आहे उनजो थीमु आहे, ‘‘बहुभाषी षिक्षा जे लाइ प्रौद्योगिकीअ जो उपयोगुः चुनोतियूं ऐं अवसर‘‘। संयुक्त राष्ट्र संघ पारां 2022-2032 जे डहाके खे ‘‘स्वदेषी भाषाउनि जो आलमी डहाको‘‘;प्दजमतदंजपवदंस क्मबंकम व िप्दकपहमदवने स्ंदहनंहमेद्ध जे रूप में मल्हाइण जो फैसिलो कयो वियो आहे।

 मादरी ज़बान जी माना.

 बारु पहिरियों भेरो माउ खां जेकी बोली सिखंदो आहे उनखे मादरी ज़बान सडिबो आहे। भारत जे ग्रंथनि मूजिबु बारु माउ जे पेट में माउ जी बोली, यानी जंहिं बोलीअ में माउ गाल्हाईंदी आहे, समुझणु शुरू कंदो आहे। इनजो उदाहरणु आहे सुभद्रा ऐं अर्जुन जो पुटु ‘‘अभिमन्यु‘‘। अभिमन्यु जडंहिं माउ जे गर्भ में हो तडंहिं अर्जुनु सुभद्रा खे चक्रव्यूह टोड़ण जो तरीक़ो बुधाए रहियो हो, बुधंधे-बुधंधे सुभद्रा जी अखि लगी वई ऐं हूअ चक्रव्यूह खां बाहिरि निकिरण जी विधि न बुधी सघी हुई। इनकरे अभिमन्युअ खे चक्रव्यूह खां बाहिरि निकिरण जी विधि कोनईंदी हुई। इनसां इहो बि साबितु थिए थो त माउ खे निंढ अचण खां पोइ उनजे साम्हूं कयल गाल्हि बार ताई न पहुचंदी आहे। इनकरे माउ खे बार जो पहिरियों मास्तरु ऐं गुरु म´ियो वेंदो आहे।

मादरी ज़बान ऐं संस्कृतियुनि जी हालति.

जडंहिं खां वठी माण्हू गाल्हाइणु सिख्यो आहे तडंहिं खां अटिकल 31,000 भाषाऊं वजूद में आयूं आहिनि। हिन वक़्तु अटिकल 6-7 हज़ार भाषाऊं वजूद में आहिनि, इन्हनि मां अटिकल 3 हज़ार भाषाऊं विलुप्त थियण जे कग़ार ते पहुची चुकियूं आहिनि। हिक अनुमान मूजिबु हर महीने 2 भाषाऊं विलुप्त थी रहियूं आहिनि। संस्कृतियुनि जो सिधो वास्तो बोलीअ ऐं भाषा सां आहे, अगर का बोली या भाषा विलुप्त थिए थी त उनसां जुड़ियल संस्कृतीअ जो वजूदु बि मिटिजी व´े थो। इनरीति बहुभाषी भाषाउनि ऐं संस्कृतियुनि वारे संसार जी भाषाई ऐं सांस्कृतिक विविधता ख़तमु थी रही आहे, इनखे बचाइण ऐं वाधारो करण जो कमु यूनेस्को करे रहियो आहे।

 सिन्धी भाषा जी हालति.

 1947 जे विरहाङे खां पोइ हिन्दुस्तान में आयल हिन्दुनि जी सिन्धी भाषा ऐं सिन्धू संस्कृतीअ मथां बि ख़तिरो मंडराए रहियो आहे, छो जो घणाईअ में नौजुवान पीढ़ी पंहिंजनि बारनि खे सिन्धी बोली ऐं संस्कृतीअ खां महरूम रखी रही आहे। हालु इहो आहे जो कुझु सिन्धी नौजुवान त सिन्धी गाल्हाइण में हीनभावना महसूस करे रहिया आहिनि। सिन्धियुनि सां हिकु वडो अन्याउ सरकारि कयो, आज़ादीअ खां पहिरीं वारे सरकारी गजट जे 13 भाषाउनि में सिन्धी भाषा शामिल हुई, पर 26 जनवरी, 1950 खां लागू भारत जे संविधान जी अठीं अनुसूचीअ जे 14 भाषाउनि में सिन्धी भाषा खे शामिल न कयो वियो हो, छो त सिन्धी आज़ादीअ लाइ सजी सिन्धु कुर्बानु करे आया हुआ, जडंहिं त पंजाबियुनि खे ऐं बंगालियुनि खे अधु हिसो मिलियो हो। लम्बी लड़ाईअ खां पोइ नेठि 10 अप्रैल, 1967 ते सिन्धी भाषा खे भारत जे संविधान जी अठीं अनुसूचीअ जी 15हीं भाषा जे रूप में मान्यता मिली। हिन वक़्तु इन अनुसूचीअ में 22 भाषाऊं शामिल आहिनि। सिन्धी इलाको न हुअण सबबु सिन्धियुनि खे दूरदर्षन जो सिन्धी चैनलु कोन मिली सघियो आहे ऐं गणतंत्र दिवस जी परेड नई दिल्लीअ में सिन्धू संस्कृतीअ जी झांकी पेषि न थींदी आहे। भारत सरकार जी मातृभाषा में पढ़ाईअ वारी योजना, 2020 जो पूरो फ़ाइदो बि इलाके जे अभाव में कोन मिली रहियो आहे। इहो अन्याउ अ´ां बि जारी आहे, छो त सिन्धी क़ौम पंहिंजी भाषा ऐं संस्कृतीअ लाइ पूरीअ तरह सां जागरुकु नाहे, हालांकि हाणे सुजागी अचे पई, पर अ´ां एकता जी कमीअ सबबु असांखे पूरा राजनीतिक हक़ कोन मिली रहिया आहिनि।डिसो न यहूदियुनि जे नंढे मुल्क इज़राइल पूरी दुनिया में कीअं पंहिंजो धाको जमायो आहे!असांखे बि यहूदियुनि वांगुरु पंहिंजी भाषा ऐं संस्कृतीअ सां प्रेम करणु सिखिणो पवंदो ऐंपाण में एकता रखी पंहिंजो वजूद बचाइणो पवंदो। सिन्धी आहियो!

 सिन्धी गाल्हायो! प्ंहिंजी सु´ाणप पाणि बचायो!