डीं॒हुं विशेष हिन्दी भाषा दिवस (१४ सितं.)
sujagusindhi 
*हिन्दी भाषा दिवस (१४ सितं.) जूं वाधायूं*
हिन्दी दिवस भारत में वरह जे '१४ सितंबर' जो मल्हायो वेंदो आ। हिन्दी विश्व में ॻाल्हाइण वारी प्रमुख भाषाउनि मां हिकु आहे। विश्व जी प्राचीन,समृद्ध ऐं सरल भाषा हुजण सां गॾोगॾु हिन्दी असांजी 'राष्ट्रभाषा' भी आहे। हिन्दी भाषा विश्व में सभ खां वधीक ॻाल्हाइण वारी टीं भाषा आहे।
अॻे समे में अंग्रेजीअ जो वधीक चलनु न हूंदो हो, तॾहिं इहा भाषा भारतवासियुनि या भारत खां ॿाहिर रहंदड़ हर वर्ग लाइ सम्माननीय हूंदी हुई। पर मटंदड़ युग सां गॾु अंग्रेजीअ भारत जी धरतीअ ते पहिंजा पेर पूरे छॾिया आहिन। हिन करे अॼु असांजी राष्ट्रभाषा खे हिकु ॾींहुं इन्हीअ जे नाउं मल्हाइण पवे थो।
अॻे जिते स्कूलनि में अंग्रेजी जो माध्यमु घणो न हूंदो हो, अॼु उन जी मांग वधण करे देश जे वॾो- वॾो चवाइण वारे स्कूलनि में पढ़ण वारा ॿार हिन्दीअ में पुठिते थी रहिया आहिनि। एतिरो ई न उन्हनि खे ठीक सां हिन्दी लिखणु ऐं ॻाल्हाइणु बि नथी अचे।
भारत में रही करे हिन्दी ऐं ॿियनि भारतीय भाषाउनि खे महत्वु न ॾियणु असांजी ॾाढी वॾी भुल आहे।
अॼु असां अंग्रेजीअ जा दास थी वया आहियूं। असांजो ॻाल्हाइणु-ॿोलाइणु,सोचणु ऐं हलणु सभु अंग्रेजी थी वयो आहे। हिन में असांजी सरकार भी वॾी ॾोही आहे ।स्वतंत्रता खां पोइ खां अॼु ताईं जेके भी सरकारूं थियूं आहिन, उन्हनि सभिनी अंग्रेजीअ खे राजभाषा बणाए वधायो आहे। अलाए छा थींदो भारतीय भाषाउनि जो जहिंमें सिन्धी भाषा पिणु आहे ? इहो सचे राष्ट्र भक्तनि खे ॻणतियुनि (चिंता) में विझे थो ।
देवीलाल लालवाणी
