भगवान शिव सप्त ऋषियुनि खे ॾिनो सभ खां पंहिरियां ज्ञान
sujagusindhi 
शिव त जगत जा गुरु आहिन। मान्यतानुसार सभ खां पहिरियां उनि पंहिंजो ज्ञान सप्त ऋषियुनि खे ॾिनो हुयो। सप्त ऋषियुनि शिव खां ज्ञान वठी करे धार - धार पासनि में फैलायो ऐं संसार जे कुंड -कुंड में शैव धर्म, योग ऐं ज्ञान जो प्रचार-प्रसार कयो। हिन संतनि ऋषियुनि अहिड़ो को माण्हू न छॾियो जंहिंखे शिव कर्म, परंपरा आदि जो ज्ञान न सेखारियो हुजे। अजु सभिनी धर्मनि में हिन जी झलक ॾिसण लाइ मिली वेंदी। परशुराम ऐं रावण बि शिव जा शिष्य हुया। शिव ई गुरु ऐं शिष्य परंपरा जी पहल कई हुई। जंहिंजे हलंदे अजु बि नाथ, शैव, शाक्त आदि सभु संतनि में उनि परंपरा जो निर्वाह थींदो अचे थो। आदि गुरु शंकराचार्य ऐं गुरु गोरखनाथ हिन परंपरा खे अञा अॻिते वधायो।
भगवान शिव ई पहिरों योगी आहे ऐं मानव स्वभाव जी सभ खां वॾी समझ उन्हीं खे आहे। उनि पंहिंजे ज्ञान जे वाधारे जे लाइ सत ऋषियों खे चूंडियो ऐं उनि खे योग जे धार - धार पासनि जो ज्ञान ॾिनो, जो योग जा ७ सत आधार धुर बणी वया। समय सां गॾु सत रूपनि सां सवें शाखाऊं निकिरी आयूं पोइ योग में आई ॾुखियाई खे ॾिसी करे पतंजलि ३०० ईसा पूर्व रुॻो २०० सूत्रनि में पूरे योग शास्त्र खे मेड़े छॾियो। योग जो अठों अंॻु मोक्ष आहे। सत अंॻ त उनि मोक्ष ताँई पहुंचण लाइ आहिन।
ऋषि पंचमी जी वाधायूं शुभकामना
